শাৰদীয় অনুভৱৰ ইটো সিটো
লেখক- জ্যোতি পি চি শইকীয়া
(১)
খিৰিকিখন খুলি দিয়া….
ইমান পোহৰ
ইমান বতাহ
ধুৱাই নিয়ক মলিনতা। ।
(২)
শুকুলা বুটাৰে
নীলা চাদৰ
এই যেন মেৰিয়াই লম
দুহাত মেলি। ।
(৩)
তুমি হাঁহিলা, শিপা হীন মই….। ।
ডাৱৰৰ জানো শিপা থাকে?
মাটিৰে সংপৃক্ত তোমাক চুই
আকাশ চোৱাত খতি কি?
(৪)
চৌপাশ জিলমিল….।
বুকুত আন্ধাৰ পুহি
দুচকুত সানি থওঁ
সৈৰিন্ধ্ৰী নন্দনতা। ।
অন্যান্য শিতান
শিতানটিৰ অন্যান্য লেখাসমূহ পঢ়ক
Subscribe
Login
0 Comments
