ব’হাগ ২০১৫ (বিশাল দেৱ ৰায়)
হালধীয়াৰ বিনিময়ত সেউজীয়া
মেঘৰ বিনিময়ত বৰষুণ
ব‘হাগ,
হৃদয়ৰ বিনিময়ত হৃদয়
মৃত্যুৰ বিনিময়ত জীৱন !
সৌ সিদিনালৈ,
কপৌফুলে কুঁহিপাত মেলিলেই
ব‘হাগ আহে,
কুলিয়ে মাতে !
এখন সহজ ছবি, অসহজ ভাৱনাৰ !
মনত ৰং, আপদীয়া খং !
এতিয়া বিশ্বায়নৰ বতাহ
ব‘হাগতো খৰাং পথাৰ, তৰাং নদী !
আৰ্তনাদ ! এয়াই ব‘হাগ !
আধুনিকতাৰ ব’হাগ, এতিয়া মৃত !
গুলিৰ শব্দত আহিব পাৰে ব’হাগ !
আসন্ন মৃত্যুই মাতিব পাৰে ব’হাগ !
তেজ আৰু ধোঁৱাই কঢ়িয়াব পাৰে ব’হাগ !
ব’হাগ মানেই বিনিময় প্ৰথা !
তেতিয়া
“মেঘৰ বিনিময়ত বৰষুণ…!”
এতিয়া
“… … … …”
বিনিময়হীন ! মাথোঁ আৰ্তনাদ !
সুন্দৰ প্ৰকাশ পঢ়ি ভাল পালো৷