নিয়ৰৰ মুকুতা (প্ৰদ্যুত শইকীয়া)
নিয়ৰৰ মুকুতা
বোৱাৰী পুৱাতে
তোমাৰে দুভৰিত ঐ,
ঐ জান
তোমাৰে দুভৰিত ঐ|
ৰৈ থাকিম তোমা্লৈ
ব’হাগৰ আবেলিত
আহিবা বিহুৱান লৈ
ঐ জান
আহিবা বিহুৱান লৈ|
বৰ্হমথুৰিৰ বোলেৰে
ৰঙা কৰা ওঁঠেৰে
আহিবি তই বিহুলৈ
খামুচীয়া কঁকালটি ঘুৰাবলৈ
ঐ…জান
খামুচীয়া কঁকালটি ঘুৰাবলৈ|
পৰ্বতৰ কপৌফুল
বিছাৰি আনিমগৈ
তোৰ খোপাত গুজিবলৈ
ঐ জান…
তোৰ খোপাত গুজিবলৈ|
হেপাহৰ বিহুটি
আহিছে আমালৈ
মৰমজানৰ বতৰা লৈ
ঐ জান…
মৰমজানৰ বতৰা লৈ
