পেৰ’ডী গীত-বিহু সুৰীয়া (অনন্ত মোহন শৰ্মা)

চেনেহৰ

চোনিয়া মেডাম মোৰ

তাতকৈ চেনেহৰ ৰাহুল৷

তাতকৈ চেনেহৰ আমাৰে সোণটি

টিকট নিদি কেনেকৈ থাকোঁ?

এহে –

মৰম দিলে মৰম দিম

ভোট দিলে জিলা দিম

ভোট দিলে জিলা দিম

মৰম যদি নিদিয়া মোক

মহকুমাও উঠাই নিম৷

 

মিছা ক’লে কিডাল হ’ব

ভোট নিদিলে কিডাল পাব?

ভোট নিদিলে কিডাল পাব?

এইবাৰলে ভোট দি

বোপাক আমাৰ জিকাই দিব৷

 

কলীয়াবৰৰ কেঁচাসোণ

যুঁজিবই নিৰ্বাচনী ৰণ

যুঁজিবই নিৰ্বাচনী ৰণ

ভোটাৰক তেওঁ শিকাই দিব

মাছৰ মতা, মহিলা কোন৷৷

 

এ দেহী অৰঙে দৰঙে

এ দেহী এলিজা গৌৰৱে

এ দেহী ভোটৰে আশাতে

এ দেহী ভাষাৰো শ্ৰাদ্ধ পাতেহে ৰাম৷৷