মই , জেমছ বাৰ আৰু ….এজনী বেশ্যা: প্রদ্যুত জ্যোতি শইকীয়া

যৌৱনবোৰে ফেঁকুৰি থকা এটি সন্ধিয়া
জেমছ বাৰ, গণেশগুৰিত..
মুখত এটা জলন্ত চিগাৰেট
তিনি নম্বৰ টেবুলত বহি বহি
বিষাদবোৰ শুহি আছিলোঁ
লাহে লাহে…
এনেতে সোমাই আহিল তাই
“মে আই চিট ?”
উঠন বুকু
মোৰ লালসাপূৰ্ণ চকু
শ্বৰ্ট স্কাৰ্ট…শৰীৰত টপ
ৰঙা লিপষ্টিক
কামনা অহৰহ |
বিষাদবোৰ জ্বলাই
সোধা হ’ল অভিপ্ৰায়
দাম্ভিকতাৰে ক’লে
বেশ্যা তাই….হাঃ হাঃ হাঃ |
যৌনতা মোৰ বেপাৰ
তোমাৰ দৰে যুৱক মোৰ চিকাৰ |
তাৰ বাবে বাবে তুমি হ’ব নালগে
না্ৰী দেহলোভী নতুবা
টানিব নালাগে যুৱতীৰ কাপোৰ ,
কাৰণ সুলভ
বেশ্যা যে ম‍ই…হাঃ হাঃ হাঃ |
খিলখিলাই উঠিল তাই
নিলাজ সত্যত কঁপি উঠিল
মহানগৰীৰ অখ্যাত জেমছ বাৰ |
চিগাৰেটৰ ধোঁৱাৰ মাজেদি
চেলেকি গ’ল তাই
মুৰৰ পৰা ভৰি
নিৰ্লজ শৰীৰ..
যেন চেলেকি গ’ল
মুখাপিন্ধা সমাজৰ গুৰি…
টু লাৰ্জ পেক ভদকা
ৰঙা ওঁঠৰ চুমুক
নিষিদ্ধতাৰ পৃথিৱীত ভুমুক
গৰ্ভনিৰোধকৰ প্ৰকোপ
ৱান ম’ৰ লাৰ্জ পেক
অশ্লীল শব্দৰ কলৰোল
যৌনতাই সুখ,
সংগীহীনতা তাইৰ দুখ
পিছে খুলিব পাৰে তাই
ভণ্ড সভ্যৰ মুখ |
ম‍ই, এজনী বেশ্যা ,জেমছ বাৰ
কেইপেগমান লাৰ্জ ভদকা
আৰু মহানগৰী….
ডুবি পৰিলোঁ আমি আটায়ে
এটা বেশ্যাপূৰ্ণ…
তথাকথিত অশ্লীল ৰাতিত..
হাঃ হাঃ হাঃ ….
ভাঁহি আহে হাঁহি…
যৌনতাৰ আবেদন অহৰহ
অনুশ্চ শব্দ, অৰ্থপূৰ্ণ বাক্য
ঘূৰি থাকে অবিৰত
“বেশ্যা ম‍ই….বেশ্যা ম‍ই…”