উঠি যোৱাৰ পাছত (ডঃ মাখন লাল দাস)
উঠি যোৱাৰ পাছত
মূল (হিন্দী) ডঃ আদৰ্শ প্ৰকাশ
অনু: ডঃ মাখন লাল দাস
তেওঁ এতিয়া তাত নাথাকে
আপুনি ঠিকেই বুজিছে
এই পৃথিবীত নাথাকে
আমি থাকোঁ
আৰু আমিনো কি থাকোঁ
মাথোন
থাকিবলৈ সহিহে
থাকোঁ৷
অনুপস্থিত আৰু অধিক
উপস্থিত
কম কোৱাৰ অভ্যাস
এতিয়া আৰু বেছি
শুনিবলৈ পাওঁ৷
ৰিক্ততাৰে
ভৰি গ’ল কেনেদৰে
যে
ভৰা-ভৰা হৈ মই
চাই থাকোঁ সেই ঠাই
য’ত প্ৰায়েই
বিশেষ ধৰণেৰে
বহিছিল তেওঁ,
যেন তাৰ পৰাই
উঠি গ’ল তেওঁ
উঠি যোৱাৰ পাছত৷