কলডিলৰ সৈতে পাৰ মাংস

লেখক- বন্তি তামুলী বুঢ়াগোঁহাই

কলডিলৰ সৈতে পাৰ মাংস খাই নিশ্চয় সকলোৱে ভাল পায় । আইৰনযুক্ত হোৱা বাবে কলডিল পাৰ মাংসৰ আঞ্জাখন স্বাস্থ্যৰ পক্ষে খুবেই উপকাৰী ।অৱশ্যে উচ্চ ৰক্তচাপ থকা ব্যক্তিসকল এই আঞ্জাখনৰ পৰা দূৰতে থাকক ।আজি কলডিলৰ সৈতে পাৰ মাংস কেনেকৈ ৰন্ধা হয় সেই উপকৰণ প্ৰণালী আগবঢ়ালোঁ।

 

কলডিলৰ সৈতে পাৰ মাংস 

উপকৰণ :

১)ভীমকলৰ কলডিল এটা 

২)পাৰ মাংস

৩)আদা 

৪)নহৰু

৫)পিঁয়াজ

৬)শুকান জলকীয়া 

৭)জিৰা 

৮)জালুক 

৯)ধনীয়া

১০)তেজপাত

১১)মিঠাতেল 

১২)নিমখ

১৩)হালধি 

প্ৰণালী:

প্ৰথমতে পাৰ মাংসখিনি সৰু সৰুকৈ কাটি লৈ কেৰাহী এখনত তেল গৰম হ’বলৈ দি তাত পিঁয়াজ,শুকান জলকীয়া ,জিৰা গুৰি ,ধনীয়া গুৰি দি অলপ ৰঙচুৱাকৈ ভাজি জোখমতে নিমখ ,হালধি আৰু পিহি লোৱা আদা ,নহৰুখিনি দি কাটি লোৱা মাংসখিনি দি ভাজি ল’ব ।যেতিয়া মাংসৰ পৰা  তেলটো ওলাব তেতিয়া মিহিকৈ কাটি থোৱা কলডিলখিনি দি কিছু সময় ভাজিব । মাংসখিনি অলপ সিজাৰ পিছত অলপমান গৰমপানী দি জালুকৰ গুৰি অলপ দি উতলিবলৈ দি নমাই গৰম ভাতৰ লগত পৰিৱেশন কৰক ।

Subscribe
Notify of

0 Comments
Inline Feedbacks
View all comments
Don`t copy text!