এনেকুৱাও হ'ব পাৰিলেহেঁতেন:-মূল:- বাংলা কবি:- ৰুদ্ৰ গোস্বামী
অনুবাদ:- অমৃত বৰঠাকুৰ ।
মই আকাশখনলৈ চাই খুব ভাল পাওঁ ।
এনেকুৱাওতো হ’ব পাৰিলেহেঁতেন ——
কোনোবাই মোক
আকাশলৈ চাই থকা বাবেই ভাল পায় ।
মই কেতিয়াও সাগৰ দেখা নাই ।
মই ভাল পাওঁ নদী ।
এনেকুৱাওতো হ’ব পাৰিলেহেঁতেন ——–
কোনোবাই মোক নদী ভাল পোৱা বাবেই
মোৰ প্ৰেমত পৰিছে ।
গাড়ীত উঠি ফুৰিবলৈ গৈ মই ভাল নেপাওঁ ।
মই খোজ কাঢ়িহে ভাল পাওঁ ।
এনেকুৱাওতো হ’ব পাৰিলেহেঁতেন ———
কোনোবাই মোক
খোজ কাঢ়ি ফুৰা কাৰণেই ভাল পায় ।
কোনোবাই চাকৰি কৰে আৰু কোনোবাই ব্যৱসায় ।
মই কিন্তু নিচেই সাধাৰণ ।
এনেকুৱাওতো হ’ব পাৰিলেহেঁতেন ———-
মই নিচেই সাধাৰণ কাৰণেই
কোনোবাই মোক হৃদয় দান কৰিছে ।
মানুহক ভাল পাবলৈ
মানুহতকৈ ভিন্ন আৰু কিহৰ প্ৰয়োজন ?
অন্যান্য শিতান
Menu
শিতানটিৰ অন্যান্য লেখাসমূহ পঢ়ক
Subscribe
Login
0 Comments
Inline Feedbacks
View all comments
