বৈপৰীত্য; কবি:-কিয়াযিৰাহ চাইখ আৰিফিন ।;ইংৰাজী অনুবাদ:- জীম মৰিচন ।
অসমীয়া অনুবাদ:- অমৃত বৰঠাকুৰ ।
তুমি কোৱা, তুমি বৰষুণ ভাল পোৱা,
কিন্তু বৰষুণৰ বতৰত তুমি ছাটি লৈহে
বাহিৰলৈ যোৱা ।
তুমি কোৱা, তুমি ৰ’দ ভাল পোৱা,
কিন্তু ৰ’দ দিলে, তুমি ছায়াৰ সন্ধান কৰা ।
তুমি কোৱা তুমি বতাহ ভাল পোৱা,
কিন্তু বতাহ বলিলে,
তুমি খিৰীকিখন জপাই দিয়া ।
সেয়ে, মোৰ বৰ ভয় লাগে,
যেতিয়া তুমি কোৱা,
“মই তোমাক ভাল পাওঁ ।”
অন্যান্য শিতান
শিতানটিৰ অন্যান্য লেখাসমূহ পঢ়ক
Subscribe
Login
0 Comments
