বাপাৰ ভোখ ( ৰক্তিম শৰ্মা )
বাপাহাৰে ঘুমো এ ঘুমো
সাত সাগৰ পাৰহৈ
বগা পুতুনাতু আইছি
পিয়াহত বিহ
আদৰত বিহ
চল পালি চতলোত আহি বইহবো
পিয়াহটু উইলে কব
আহ বাচা গাখীৰ খা
পুন্য হব
স্বৰ্গ পাবি
চখু মুজি থাক এ বাপা ৷
দেখত কংস মাইমে
আৰু এটা পুতুনা পুহে
কলা পুতুনা
আন্ধাৰত পিয়াহ উইলে বহি থাকে ৰাতি
নাযবি এ বাপা আন্ধাৰত
চখু উইলাব
পিয়াহ খুৱাব
ধৰ্ম হব
স্বৰ্গ পাবি ৷
বাপা নালগেদে খাবা পিয়াহ
মায়ৰে এৰি গেল স্বৰ্গত
আমি এতেই থাকু দে
বন্নিবাৰী বাজাৰত ছাগাল কিনিম
বৰ মিঠা ছাগলোৰ গাখীৰ ৷
হাওঁ বাপা
বন্নিবাৰী বাজাৰক নাযং দে
কংস মাইমেৰে আহাৰ পিছত
গৈৰা বাজাৰ হল
হিন্দু বাজাৰ হল
আগৰ বন্নিবাৰীৰ বাজাৰখান নহ হল ৷
চামতাৰ চ’কৰ পে
পাইনা গাখীৰে আনিম দে
হাত জিকে খাবি ৷
