প্ৰেমত পৰিবলৈ হ’লে এনেকুৱা কিবা নিয়ম আছে নেকি যে বয়স হ’ব লাগিব কুৰি অথবা পঁচিশ ।

প্ৰেমত পৰাৰ বয়স কিমান হ’ব লাগেহে ?

ষোল্লত যেনেকুৱা, তেনেকৈ ষাঠি বছৰতো

সৃষ্টি হ’ব পাৰে প্ৰেমৰ ফল্গুধাৰা ।

ষাঠিৰ উপনীত হোৱাৰ পাছতো

হৃদয়খন প্ৰেমত কম্পিত হ’ব পাৰে

প্ৰেমাৰ্ত আঙুলিবোৰো কঁপিব পাৰে আলিঙ্গনত ।

ষাঠিত উপনীত হোৱাৰ পাছতো

বুকুত প্ৰেমৰ প্লাৱন আহিব পাৰে,

বোকা ফেনেকি পদুম ফুল তুলি অনাৰ

অভিলাস শেষ নহ’ব পাৰে ।

বয়স বাঢ়িলে তুচ্ছ তন্তুৰ সীমাৰেখা

অতিক্ৰম কৰিব পাৰি,

বয়স যিমানে বাঢ়ে, প্ৰেমৰ কণটো পোখাই,

লহপহকৈ আকাশ চুব পৰা বৃক্ষ হৈ যায় ।

বয়স যিমানে বাঢ়ে, মানুহ সিমানে প্ৰেমিক হৈ যায় ।