দুখবোৰ কাব্যিক: জীৱন যুদ্ধৰ বিজ্ঞান — মধুমিতা বৰুৱা শইকীয়া
সুখবোৰ বৈষয়িক দুখবোৰ কাব্যিক আৰু কিছু কালজয়ী…
সেয়ে হয়তো মহাকাব্যত সুখতকৈ
জিলিকে বিষাদ৷
উশাহৰ যুদ্ধ
প্ৰেমৰ যুদ্ধ
বিফলতা পোতক
অভিমানৰ দ্বন্দ্ব….
শক্তিৰ চোকা তৰোৱালত বিবৰ্ণ জীৱন
ৰৈ যায় বহু কথা৷
জীৱন যুদ্ধৰ বিজ্ঞান৷
অসমাপ্ত কাহিনী আৰু বিষাদৰ গন্ধমাদন৷
অনুপম কৰিবলৈও লাগে অহৰ্নিশ যুদ্ধৰ অনুশীলন৷
তথাপিও ধুনীয়া জীৱন৷
আমিও দিগ্বিজয়ী৷
