লিমাৰিক
লেখক- পৰশমনি শইকীয়া
১
অসমীয়াই আদৰিছে বলব’ম বাবাক,
কৰা নাই এলাগী ৰাখি ডালৰ ধাগাক।
নকৈ আদৰিছোঁ,
কুটুমক পাহৰিছোঁ।
কইনাক অৰ্পণ খাটিয়া দাঙি দৰাক।
২
সেউজীয়া সাজোনেৰে নিমন্ত্ৰণ মেহেন্দী,
পীতবৰ্ণ বস্ত্ৰ পিন্ধি উদযাপন হালদি।
পাতে বোলে সংগীত,
সীমিত তাত আমাৰ গীত।
জোঁৱাই আহি নাচি দিব কলৰ তলত দেওদি ।
৩
চুৰুনীৰ ভাও লোৱা খুলশালী ওলাল,
লাজ-দুঃখ ধাকি লোৱা ওৰণিও লুকাল।
ধনতেৰস কৰৱা চৌথ,
সকলোতে আমাৰ যুথ।
ছেলফিৰ ভীৰৰ মাজত বিয়া নামো হেৰাল।
অন্যান্য শিতান
Menu
Subscribe
Login
0 Comments
Inline Feedbacks
View all comments
