সৰাপাতৰো থাকে এক যাত্ৰা

সেউজীয়াৰ পৰা হালধীয়ালৈ

এক নিৰৱচ্ছিন্ন যাত্ৰা ৷

হয়তোবা বৰ্ণিল

নতুবা

নিয়ম মাফিক এই যাত্ৰা ৷

সৃষ্টিৰ অমোঘ মন্ত্ৰপুষ্ট

কোঁহৰ পৰা কুঁহিলৈ উত্তৰণৰ নিৰলস তপস্যাৰ সাক্ষী

সৰাপাত ৷

ঋতুস্নাতা কুঁহিপাতে

ৰূপান্তৰৰ সূত্ৰ আওৰাই

মায়াৱী বৰণীয়া আৱেশেৰে

বিৰিখক সমৃদ্ধ কৰে ৷

সময়ৰ অগ্ৰগামী গতিক

সাৰোগত কৰি

এশ এবুৰি স্মৃতি বুকুত সাৱটি

কুঁহিপাত সৰাপাত হয় ৷

বিচ্ছেদৰ

পুৰাতন বিষাদত দগ্ধ সৰাপাত

এক দস্তাবেজ

সীমাহীন দৈন্য আৰু শূন্যতাৰ

গৰিমাময় অভিলাষৰ ভগ্নস্তুপৰ ৷